پەیامی ڕوونی بافڵ تاڵەبانی بۆ پارتی لەبارەی مووچە و هەڵبژاردنەوە
لە ماوەی ڕابردووا پارتی بە سەرۆکایەتی بارزانی کە حکومەتی هەرێمی لە دەستدایە، وێڕای دروست کردنی قەیران لە پێوەندییەکان لەگەڵ بەغدا، لەمپەری لەبەردەم پێدانی مووچە و خوشگوزەرانی خەڵک دادەنا و لەمەشدا بەغدا بە غەدرکردن لە خەڵکی هەرێم تۆمەتبار دەکرد.
بافڵ تاڵەبانی، سەرۆکی یەکێتیی نیشتمانیی کوردستان پێشوازی لە پاتریک دۆرێل، باڵیۆزی فەڕەنسا لە عیراق کرد و لەم دیدارەدا پەرەپێدانی پەیوەندییەكان، پرسی هەڵبژاردن و ناكۆكییەكانی نێوان هەولێر و بەغدا گفتوگۆیان لەبارەوەكرا و بەردەوامیی گفتوگۆكان بۆ گەیشتن بە ئەنجامێكی ئەرێنی جەختیلێكرایەوە.
بافڵ تاڵەبانی لەبارەی هەڵبژاردنی پەرلەمانی كوردستان و ئەو بەربەستانەی لەبەردەم پرۆسەكە دروستدەكرێن، روونكردنەوەیدا و ئاماژەی بەوەكرد، یەكێتی نایەوێت بەشێكبێت لەو ململانێ سیاسییە ناڕەوایەی تێیدا ژیانی خەڵك دەبێتە قوربانی و دامەزراوە یاساییەكانی هەرێمی كوردستان دەخاتە ژێر پرسیارەوە. هەوڵی ئێمە لەپێناو بەڕێوەچوونی هەڵبژاردنێكی بێگەرد، هێنانەكایەی حوكمڕانییەكی تەندروست و دادپەروەرە.
لەبارەی هەنگاوەكانی یەكێتی بۆ چارەسەركردنی كێشەی مووچە و دەستەبەركردنی ژیانێكی سەقامگیر بۆ خەڵك، سەرۆكی یەکێتی رایگەیاند، تێكەڵكردنی مووچە و ژیانی خەڵك بە ناكۆكییە سیاسییەكان كارێكی نابەجێیە و بەهەمووشێوەیەك دژی وەستاوینەتەوە، بەخۆشحاڵییەوە لەم هەنگاوەدا سەركەوتووبووین. بۆ ئەمەش سوپاسی دۆستەكانمان دەكەین كە هاوكار و پشتیوانمان بوون.