31 ی ئاب، ڕۆژی تاقیکردنەوەی چەکەکانی بەعس لە گیانی خەڵکی کوردستان
هاتنی دەبابەکانی سوپای بەعس بۆ ناو باڵەخانەی پەرلەمان شەرعییەتدان بوو بە تاوانەکانی ئەنفال و کیمیاباران لە لایەن پارتییەوە.
پارتی هەموو کات سیاسەتی چەوتی ئەگەر پێم چاک نەکرێت، پێم خەراپ دەکرێت، پەیرەو دەکات و کوردایەتی لای پارتی مانەوەی حیزبەکەیەتی و لەو پێناوەشدا شەرمی نییە و خیانەتەکانی بە دەسکەوت دەزانێت.
پارتی لە ئێستادا نایەوێت لە گەڵ حکومەتی بەغدا بۆ مووچەی خەڵک و بودجەی کوردستان ڕێکبکەوێت بەڵام لە گەڵ ڕژێمی سەدام وەک ئەنجامدەری تاوانەکانی ئەنفال و کیمیابارانی کورد گەیشتە ڕێکەوتن و ئەو کارەشی شەرعییەتدان بوو بەو هەموو تاوانە کە بەعس لە کوردستان کردوویەتی.
31 ی ئاب یەکێکە لە ڕۆژە ڕەشەکانی تۆماری مێژووی کورد لە هەرێمی کوردستان کە پارتی جێبەجێی کردووە. لەو ڕۆژەدا 400 دەبابە و دەیان زرێپۆش و چەندین کەتیبەی تۆپخانە و کاتیوشا و هاوەن و کۆپتەر و چەکە بەهێز و کاریگەرەکانی ڕژێمی بەعس بە هاوکاری پارتی لە گیانی خەڵکی کوردستان تاقیکرانەوە و بینای پەرلەمانی کوردستانیان داگیر کرد.
پارتی لە 31 ی ئابدا ئەزموونی دیمۆکراسی کوردستانی خستە ژێر پێی دەبابەکانی ڕژێمی بەعس و بەو جۆرە خیانەتێکی گەورەی لە دژی گەلی کورد تۆمار کرد کە مێژوو ئەو خیانەتە لە بیر ناکات.
