مووچەتان لێوە دیارە؟
ئێستا کە دۆسیەی نەوت لە دەستی حکومەتی عێراقدایە و بودجەش لە لایەن بەغداوە دابین دەکرێت ڕەنگە بە ڕواڵەت خەڵک هەست بەوە بکەن کە کێشەی مووچە کۆتایی هاتووە بەڵام ئەو پارەش لە بەغداوە دێت دیسانەوە لە دەستی حکومەتی هەرێمدایە و دیسانەوە هەمان کێشە ڕوو دەداتەوە.
ئەگەر یەکێتی لە سەر بودجەی سلێمانی ناڕازی بێت کێشەی گەورەتر لە هەرێمی کوردستان ڕوو دەدات و سلێمانی خۆی لە بواری دابەشکردنی مووچە و بودجە جیا دەبێتەوە و بەغدا مامەڵەی ڕاستەوخۆی لە گەڵیدا دەبێت، لە وەها دۆخێکدا ناکۆکییە ناوخۆییەکان دەگاتەوە لوتکە و کێشە و گرفتەکان زیاتریش دەبن.
بە کورتی و بە کوردی، حکومەتی هەرێم توانای دابەشکردنی مووچەی بەو هەموو پارەی نەوت و ئەم لا و لاوە نەبووە. ئێستا نەوت لە ژێر کۆنتڕۆڵی بەغدایە و ئەو پارەش لە بەغداوە دێت دیسانەوە دەبێت خەرجی حیزب و بنەماڵەی لێ جیا بکرێتەوە. چی بۆ مووچە دەمێنێتەوە و کەی و چۆن دابەش دەکرێت؟ ئەوە لە داهاتوودا خەڵک زیاتر ڕاستییەکانیان بۆ ڕوون دەبێتەوە.