یەکێتیی هەوڵدەدات بۆ پێکهێنانی حکومەتێک کە دادگەرانە کار بکات
قوباد تاڵەبانی، جێگری سەرۆکی حکومەتی هەرێمی کوردستان پێشوازی لە ئەلینا رۆمانۆسکی، باڵیۆزی ئەمریکا لە عیراق کرد.
بەگوێرەی ڕاگەیەندراوی کۆبوونەوەکە، لەدیدارەکەدا هەردوولا دۆخی هەرێمی کوردستانیان لە پاش هەڵبژاردن و میکانیزمەکانی پێکهێنانی حکومەتی نوێ تاوتوێ کرد.
قوباد تاڵەبانی ڕوونیکردەوە، یەکێتی دیدگایەکی تایبەت بەخۆی هەیە بۆ پێکهێنانی حکومەت و کراوەشە بەڕووی هەموو ئەوانەی لەو دیدگایەوە نزیکن لە پرۆسەکەدا.
هەروەها لە دیدارەکەدا هەردوولا هاوڕابوون لەسەر گرنگی پێکهێنانی حکومەتی هەرێمی کوردستان و پەلەکردن لەو پرۆسەیە و پێشگرتن لە هەر ئەگەرێکی نەخوازراوی ناوچەیی و هەرێمایەتی.
قوباد تاڵەبانی جەختیشی کردەوە یەکێتیی نیشتمانیی کوردستان هەوڵدەدات بۆ پێکهێنانی حکومەتێکی نیشتمانیی بەرپرسیار لەبەردەم خەڵکی کوردستان کە دادگەرانە و بە شێوازێکی هاوسەنگ لەسەر بنەمای هاوبەشی ڕاستەقینە کار بکات.
