کۆتایی گۆڕان ڕابگەێنن
ساڵح ژاژڵەیی سەبارەت بە دۆخ و داهاتووی بزوتنەوەی گۆڕان هەندێک زانیاریی ئاشکرا کردووە کە پێمان دەڵێت ئەم بزوتنەوەیە بە فەرمی کۆتایی هاتووە و پرۆژەی بە ناو هەستانەوە هەر لە سەرەتاوە شکستی هێناوە.
کورتەیەک لە وتەکانی ژاژڵەیی سەبارەت بە دۆخی ئێستای بزوتنەوەی گۆڕان:
بزوتنەوەی گۆڕان لەوە دەرچووە کە بتوانێت کێشەکانی خۆی چارەسەر بکات.
گۆڕان کەوتووەتە دۆخێکەوە کە کەس نایەوێت خۆی بۆ پۆستی ڕێکخەری گشتی کاندید بکات.
ئێستا گۆڕان و ئەوانەی لە گردەکەن، کەسێکیان دەست ناکەوێت بۆ ئەوەی بیکەنە ڕێکخەر و ئەو کەسەش تا ئێستا پەیدا نەبووە تا ئەو پۆستە وەربگرێت.
ئەگەر کەسێکیش ببێتە ڕێکخەر، هیچ سوودێکی نابێت.
بزوتنەوەی گۆڕان وەک کەسێکی پیری لێ هاتووە کە چووەتە تەمەنەوە و پیر بووە.
سەردەمی گۆڕان کۆتایی هاتووە و ئەو کەسەش باس دەکرێت کە دەکرێتە ڕێکخەر لە ناوخۆی کوردستان نییە، قسەش لە گەڵ چەند کەسێک کراوە و ئامادە نین پۆستەکە وەربگرن، کەس ئومێدی نەماوە گۆڕان چاک بکاتەوە، کەسێک نییە بچێتە ژێر ئەو بارەوە.
بە چەند برادەرێکی گۆڕانم وتووە کە کۆتایی پێبێنن و ڕایبگەێنن کە گۆڕان تەواو بووە.
دوای کاک نەوشیروان مستەفا کۆمەڵێک بۆ بەرژەوەندی خۆیان تێکیاندا، ئەوەی دڵسۆز بێت بۆ گۆڕان لەوە تێدەگات کە بەرپرسانی ئەم بزوتنەوەیە بە دوای پلە و پۆستەوە بوون بۆیە چوونە ناو حکومەتەوە، ئەوانەش ماون بە دوای ئەوەدان پلە و پۆست وەربگرن.
