کاکە حەمە عێراقی نییە، ڕەنگە تایلەندی بێت!
محەمەد حاجی مەحمود بۆ جاری دەیەم ڕایگەیاندووە کە ئەو عێراقی نییە و کوردستانییە.
ڕاستە کە ناسنامەی کاکە حەمە کوردە و دانیشتووی هەرێمی کوردستانە، بەڵام هەرێمی کوردستانیش بەشێکە لە عێراق و ئەمەش هیچ حاشایەک هەڵناگرێت.
لە بارودۆخە جیاجیاکاندا ئەم ڕستەیە لە کاکە حەمە دەبیستین کە ئەو کوردستانییە و عێراقی نییە.
هەندیک جاریش داوای گرتنەئاوی بەنداوەکانی کوردستانی کردووە و تەنانەت بانگەشەی ئەوەیکردووە کە لە دژی بەغدا هێز دەجوڵێنێت.
ئەم لێدوانانەی کاکە حەمە لە کاتێکدایە کە دەسەڵاتدارانی هەرێمی کوردستان پەیوەندییەکی باشیان لە گەڵ لایەنە عێراقییەکاندا هەیە و بەردەوام ڕایانگەیاندووە کە هەرێم بەشێکە لە عێراقی فیدراڵ.
لە لایەکیترەوە کاکە حەمە لە گەڵ ئێران پەیوەندییەکی نزیکی هەیە و سیاسەتی ئێرانیش لە عێراقدا ڕوون و ئاشکرایە و دیار نییە سەرۆکی حسک بە چ ئامانجێک دژایەتی بەغدا دەکات.
