ڕووداو: بایکۆتکردنی کاڵای ئێرانی شکستی هێناوە
کەناڵی ڕووداو یان هەمان کەناڵە دز و تاڵانچییەکەی هەرێمی کوردستان کە وەک مووچەخۆرێکی ئیسرائیل بانگەشە بۆ بایکۆتکردنی کاڵا و بەرهەمی ئێرانی دەکات، دانی بە شکستی بانگەوازەکەی ژووری بازرگانی هەولێردا ناوە و ڕایگەیاندووە کە ڕۆژی شەممە 20 ی کانوونی دووەم جموجوڵی بازرگانی لە دەروازەی سنوریی حاجی ئۆمەرانەوە ئاسایی بووە و بە دەیان بارهەڵگر لە نۆرەدابوون بۆ ئەوەی وەک ڕۆژانی ڕابردوو لە ئێرانەوە کاڵا هاوردە بکەن و بیگەێننە شارەکانی هەرێمی کوردستان.
ڕووداو ڕایگەیاندووە کە بە گشتی 633 بارهەڵگر موڵەتی هاوردەکردنی کاڵا و هاتووچۆیان لە دەروازەی سنوریی حاجی ئۆمەرانەوە هەیە کە ڕۆژانە 300 تا 400 بارهەڵگر لە دەروازە سنورییەکەوە هاتووچۆ دەکەن و لە سەدا 95 ی قەبارەی ئاڵوگۆڕەکان هاوردەی کاڵایە.
