پارتی و یەکێتی متمانەیان بە بەرپرسانی باڵای خۆیان نییە

کۆبوونەوەی باڵای پارتی و یەکێتی بە ئامادەبوونی نێچیرڤان بارزانی، مەسرور بارزانی، بافڵ تاڵەبانی و قوباد تاڵەبانی بەڕێوەچوو.

لەو کۆبوونەوەدا ژمارەیەک لە ئەندامانی باڵای مەکتەبی سیاسی پارتی و یەکێتی بەشدار بوون.

پاش کۆبوونەوەکە، کۆبوونەوەیەکی دیکەی چوارقۆڵی لە نێوان نێچیرڤان بارزانی، مەسرور بارزانی، بافڵ تاڵەبانی و قوباد تاڵەبانی بەڕێوەچوو و ڕێگە نەدرا هیچ یەک لە ئەندامانی شاندەکانی پارتی و یەکێتی بەشداری بکەن.

سەرچاوەیەک ڕایگەیاندووە کە لە کۆبوونەوەی بارزانییەکان و تاڵەبانییەکان چەندین دۆسیەی گرنگ تاوتوێ کراوە کە بە باشیان زانیوە کەس ئاگاداری ئەو دۆسیانە نەبێت.

ئەمەش نیشان دەدات کە بنەماڵەکانی دەسەڵاتداری هەرێمی کوردستان بۆ دابینکردنی بەرژەوەندییەکان و دابەشکردنی سامان و داهاتی هەرێم تەنانەت متمانەیان بە بەرپرسانی باڵای حیزبەکانی خۆیانیش نییە.