پارتی هەڕەشەی لە گۆڕان کردووە کە لە یەکێتی نزیک نەبێتەوە
پاش ئەوەی کە شاندێکی یەکێتی سەردانی بزوتنەوەی گۆڕانی کرد و پرسی هەڵبژاردنەکانی ئەنجومەنی پارێزگاکانی عێراقی تاوتوێ کرد، پارتیش شاندێکی ناردە لای گۆڕان بۆ تاوتوێکردنی هەمان بابەت.
پارتی بە گۆڕانی ڕاگەیاندووە کە هەڵبژاردنەکانی ئەنجومەنی پارێزگاکانی عێراق لە کەرکوک بۆ ئەم حیزبە زۆر گرنگە و نابێت گۆڕان لە یەکێتی نزیک ببێتەوە.
شاندەکەی پارتی ئەوەیان بە گۆڕان ڕاگەیاندووە کە لە بەرامبەر هاوکاریکردنی ئەم حیزبە هاوکاری دارایی دەکرێن بە تایبەت ئەوەی کە گۆڕان بۆ هەستانەوە و خۆئامادەکردن بۆ هەڵبژاردنەکانی پەرلەمانی کوردستان پێویستی بە سەرچاوەی داراییە.
سەرچاوەیەکی ئاگادار ڕایگەیاندووە کە پارتی بەڵێنی لە مستەفا سەید قادر جێگری سەرۆکی هەرێم وەرگرتووە کە گۆڕان ناچێتە بەرەی یەکێتی لە کەرکوک.
