پارتی لە سەردانەکەی فیدان بۆ لای یەکگرتوو تۆقیوە
سەردانەکەی وەزیری دەرەوەی تورکیا بۆ لای یەکگرتووی ئیسلامی کوردستان لە هەولێر بووەتە هۆی نیگەرانی زۆری سەرکردایەتی پارتی، بە تایبەت ئەوەی کە وەزیرە دەسەڵاتدارەکەی تورکیا وەسفی ئەمینداری گشتی یەکگرتووی کردووە.
هاکان فیدان وەزیری دەرەوەی تورکیا و بەرپرسی پێشووی دەزگای هەواڵگری ئەو وڵاتە کە بە دەستە ڕاستەکەی ڕەجەب تەیب ئەردۆغان دەناسرێت، لە سەردانەکەی بۆ هەولێر گەیشتە بارەگای یەکگرتووی ئیسلامی کوردستان و لە گەڵ سەڵاحەدین بەهائەدین ئەمینداری گشتی ئەم حیزبە و ژمارەیەک لە سەرکردەکانی دیکەی کۆبووە.
وەزیری دەرەوەی تورکیا وەسفی ئەمینداری گشتی یەکگرتووی ئیسلامی کوردستانی کردووە و ڕایگەیاندووە کە بە لای تورکیاوە سەڵاحەدین بەهائەدین پیاوێکی گەورەیە.
سەردانەکەی فیدان بۆ لای یەکگرتووی ئیسلامی بووەتە هۆی ترس و نیگەرانییەکی زۆر لای سەرکردەکانی پارتی و بە پێشهاتێکی نوێی دەزانن کە تاکە حیزبی ئیسلامییە فیدان لە سەردانەکەیدا لە گەڵیان کۆبووەتەوە.
