پارتی تەواوی کوردستانی ڕادەستی بەغدا کرد
وەفا محەمەد کەریم ئەندامی پارتی دیمۆکراتی کوردستان لەبارەی قەیرانی موچەی فەرمانبەران لە هەرێم وتی کە حکومەتی هەرێمی کوردستان هەموو شتێکی ڕادەستی حکومەتی ناوەندی کردوە و تەنیا شاخەکانی کوردستان ماوە بیدەینە بەغدا.
ناوبراو وتی کە چارەسەرەکە سادەیە، ئەگەر وەزیری دارایی تەیف سامی، بڵێت ژمارەی فەرمانبەران ئەوەندە هەزار فەرمانبەر زیادیکردووە و ناوی دووبارە هەیە، ئەوا بۆ دەبێت مووچەی ملیۆنێک کەسی شایستە بۆ ببڕدرێت؟
ئاماژەی بەوەشدا؛ باسەکە تەنیا سیاسییە، حکومەتی هەرێم و عێڕاق ڕێککەوتنیان کردووە و هەموو شتێک ڕادەست حکومەتی فیدڕاڵی کراوە، تەنیا ماوە چیاکانی کوردستانیان پێ بدەین، ئەگەر چارەسەریان بوێت سادەیە، بەڵام وەزیری دارایی عێڕاق دەیەوێت شتەکان ئاڵۆز بکات و فەرمانبەرانی هەرێم بەدەست دواکەوتنی مووچەکانیانەوە ماندوو بکات.
