هاوتاکردنی مووچە و پلەبەرزکردنەوە دەکەوێتە ساڵی داهاتوو
کاروان یاروەیس، ئەندامى فراکسیۆنی یەکێتی لە ئەنجومەنى نوێنەران ڕایگەیاند؛ بەگوێرەى یاساى بودجەى 2024 عێراق هیچ بڕە پارەیەک بۆ هاوتاکردنى مووچەى خانەنشینان و پلەبەرزکردنەوەى فەرمانبەران و دامەزراندنى مامۆستایانى وانەبێژى هەرێمى کوردستان دیارینەکراوە، بەوهۆیەوە بەغدا ئامادە نییە پارەیان بۆ خەرجبکات و دەکەوێتە ساڵى داهاتوو.
بەگوێرەى وتەکانى وەزیرى نەوتى عێراق کە لە لیژنەى دارایى وتوویەتى، هەناردەى نەوت دەستپێناکاتەوە و کێشەیان لە گرێبەستە نەوتییەکان و خەرجى کۆمپانیاکانى نەوت هەیە، نابێت چاوەرێى ئەوەبین بۆ ئەمساڵ نەوتى هەرێم بەبۆرى بۆ دەرەوەى وڵات هەناردە بکرێت .
بەغداد ئامادە نییە هیچ گواستنەوەیەک لە بودجەدا بکات بۆ ئەوەى داواکارییەکانى هەرێمى کوردستان بۆ ئەمساڵ جێبەجێ بکرێت.
تاکە رێگە ئەوەیە حکومەتى هەرێمى کوردستان لەگەڵ عێراق بگاتە رێککەوتن و لە ئێستاوە دەست بەگفتوگۆ بکات تاوەکو بۆ ساڵى داهاتوو ئەو داواکارییانە لەخشتەى بودجەى 2025 جێگەى بکرێتەوە .
