نۆرەی سواڵە ئاوە!
حکومەتی هەرێمی کوردستان یان حکومەتی قەیرانەکان، لە هەر بوارێکدا پەنا بۆ بەغدا دەبات و سەر زمان و ژێر زمانی بەرپرسانی پارتیش ئەوەیە کە سەربەخۆییمان دەوێت.
حکومەتی هەرێم بە ئەنقەست بێت یان بێ پارەیی، مووچەی فەرمانبەران دابەش ناکات و داوای پارە لە بەغدا دەکات.
حکومەتی هەرێم داوای بەشە دەرمان و سووتەمەنی و ئەم و ئەو لە بەغدا دەکات.
لە نوێترین داواکاریدا مەسرور بارزانی سەرۆکی حکومەتی هەرێمی کوردستان، ئومێد خۆشناو پارێزگاری هەولێری ناردووەتە لای محەمەد شیاع سودانی سەرۆک وەزیرانی عێراق و داوایکردووە کە بەغدا بۆ چارەسەرکردنی کێشەی کەم ئاوی هەولێر یارمەتیدەر بێت.
ئیتر ئیشی حکومەت چییە و ئەم هەموو هاشوهوش و خۆبەزلزانینەی دەسەڵاتدارانی هەرێم چییە؟ حکومەتێک نەتوانێت هیچ خزمەتگوزارییەکی سەرەکیی بۆ هاووڵاتیان بێت و قەیرانەکانی پێ چارەسەر نەکرێت، ناوی حکومەت نییە و تەنیا نەگبەتییەکە بە سەر خەڵکی کوردستانەوە.