مەسعود بارزانی و پەیوەندی نهێنی لە گەڵ ڕژێمی سەدام

زاوایەکی سەدام ئاشکرای کردووە کە ساڵی 2021 پاش ئازادبوونی لە زیندان، سەردانی هەولێری کردووە و چاوی بە مەسعود بارزانی سەرۆکی پارتی دیمۆکراتی کوردستان کەوتووە.

جەمال مستەفا سوڵتان هاوسەری حەلا سەدام، زاوا و سکرتێری سەدام حسێن سەرۆک کۆماری پێشووتری عێراق ڕایگەیاندووە کە 17 ی حوزەیرانی 2021 پاش 18 ساڵ لە زیندان ئازاد کراوە و دوای ئەوەش چووەتە هەولێر و مەسعود بارزانیی بینیوە.

بینینی مەسعود بارزانی لە لایەن زاواکەی سەدامەوە ئەوە ئاشکرا دەکات کە پەیوەندییەکی نهێنی لە نێوان پارتی و بەعسییەکاندا هەبووە و هەر ئێستاش ژمارەیەک لەوان لە شاری هەولێر لە پەنای پارتی و بارزانییەکاندا دەژین.