قەرزەكانی پارتی!!؟؟

ئەریوان ناوشاخانی چەندین جار سەرانی پارتی لەحكومەتدا بەئاشكراو بەبێ پەردە وتویانە كە هەرێمی كوردستان بڕی زیاتر لە 32 سیو دوو ملیار دۆلار قەرزارە..كەواتە بەبێ شاردنەوە باس لە قەرزەكان و ژمارەی قەرزەكانی سەر حكومەتی هەرێم دەكەن كە زیاتر لە 32 ملیار دۆلارەو ئەم بڕەش ساڵانە قازانج و سووی دەچێتە سەرو لە زۆربوون و زیادبوونی بەردەوامدا دەبێت.

حكومەت ژمارەیەكی وتوە و سەرۆكایەتی هەرێم پشتڕاستی كردوەتەوە،بەڵام بەخەڵكی كوردستانیان نەوتوە ئەم بڕە قەرزە: لەچیەوە دروست بوە؟ كێ قەرزی كردوە؟ لەكێ قەرز كراوە؟ بۆچی قەرز كراوە؟ چۆن دەدرێتەوە؟ كێ دەیداتەوە؟ ئایا هەرێم نەوتی كڕیوە یان فرۆشتوویەتی؟ ئەگەر فرۆشتوومانە ئەی كوا خێرو بێرو قازانجەكەی؟ ئەم قەرزانە ساڵانە رێژەی چەند سوو دەچێتە سەریان؟ كێ ئاگاداری ئەم بڕەو ئەم جۆرە قەرزانەیە؟ ئەگەر لەكات و ساتی خۆیدا نەتوانرا بدرێتەوە چی روودەدات؟ ئەم پرسیارانەو دەیان و سەدان پرسیاری تر لە زنجیرە وتارێكدا راڤەو بۆچوونیان بۆ دەكرێت و لەلایەن نووسەر ئەریوان ناوشاخانیەوە وەڵام دەدرێنەوە.. هیوادارین ئاگاداربن.