عەلی باپیر: هەرێمی کوردستان پڕە لە زوڵم و گەندەڵی و تاوان
سەرۆکی کۆمەڵی دادگەریی کوردستان ڕایگەیاند کە هەرێمی کوردستان بە هۆی حکومڕانی سەقەت و خەراپ و حیزبییانەوە پڕ کراوە لە ستەم و گەندەڵی و تاوان و لادان.
عەلی باپیر لە پەیامێکدا بە بۆنەی سەری ساڵی کۆچییەوە ڕایگەیاند کە ستەم و خەراپەکاری هەرێمی کوردستانی زۆر بێهێز کردووە و ئەگەر لە زووترین کاتدا چارەسەر نەکرێت، لەوەی ئێستاش بەرەو خەراپتر دەچێت و لایەنە دەسەڵاتدارەکان ئەگەر دەیانەوێت بمێننەوە دەبێت دەست و برد بکەن لە چارەسەری کێشە و گرفتەکان.
