شکستێک بۆ دەسەڵاتی کوردی: 700 هەزار قوتابی نەچوونەتە قوتابخانەکان!
سەرۆکی یەکێتی مامۆستایانی کوردستان ئامارێکی مەترسیداری لە سەر ئەنجامەکانی بایکۆتی مامۆستایان بڵاو کردووەتەوە، دۆخێک کە تەنیا ئەنجامی شکستی حکومەتی هەرێمی کوردستانە لە دابەشنەکردنی مووچەی فەرمانبەران.
ئەحمەد گەرمیانی ڕایگەیاندووە کە لە یەک ملیۆن و 800 هەزار قوتابی لە هەرێمی کوردستان، نزیکەی 700 هەزار یان لە سەدا 40 ی ئەوان بە هۆی بایکۆتەوە لە سنوری پارێزگاکانی سلێمانی، هەڵەبجە و ئیدارەکانی گەرمیان، ڕاپەڕین و پەروەردەی کۆیە نەچوونەتە قوتابخانە.
ڕاشیگەیاندووە کە تا مووچەی مامۆستایان دابەش نەکرێت، پرۆسەی خوێندن دەست پێناکاتەوە.
پرۆسەی خوێندن لە 13 ی ئەیلول لە هەرێمی کوردستان دەستیپێکردووە بەڵام لە سنورەکانی ژێر دەسەڵاتی یەکێتی تا ئێستا خوێندن نەبینراوە و لە هەولێر و دهۆکیش مامۆستایان بە هۆکاری ئەمنی توانای ڕاگەیاندنی بایکۆتیان نەبووە.
