سەحە کوردە گاڵتە بە مووچەخۆرانەوە دەکات
پێشەوا هەورامانی یان سەعید سەحاف کوردی کە بە سەحە کوردە ناسراوە، بانگەشەی ئەوەیکردووە کە حکومەت لە پاڵ مووچەخۆران و مامۆستایان و فەرمانبەرانی خۆی ڕادەوەستێت و دەیەوێت ئەو مافەیان وەربگرێتەوە کە مووچە و مافی خۆیان و خێزان و منداڵەکانیانە.
ڕاشیگەیاندووە کە ئەگەر مووچەی ناوچەکانی دیکەی عێراق فەوتا و مووچەی خەڵکی هەرێمیش نەدرا، ئەوا دەتوانین بڵێین دۆخی عێراق بەو جۆرەیە و هەموومان یەکسانین، بەڵام ئەگەر مووچەی ئەوان درا و هی هەرێم نەدرا ئەوا مافی خەڵکی هەرێمە بپرسێت ئایا ئێمە براین پێکەوە؟
ئەمەش لە کاتێکدایە کە حکومەتی هەرێم خۆی هۆکاری دابەشنەکردنی مووچەیە و پابەندبوونەکانی لە یاسای بودجەی عێراقدا جێبەجێ نەکردووە تا عێراق پشکی هەرێم ڕەوانە بکات.