سروە عەبدولواحید: پارتی و یەکێتی کەرکوکیان فرۆشت

سەرۆکی فراکسیۆنی نەوەی نوێ لە پەرلەمانی عێراق وتی کە پارتی و یەکێتی کەرکوکیان فرۆشت و ئێستاش لە بەغدا شەریکی عەرەب و تورکمان و شێعەن و کێشەکان نییە.

سروە عەبدولواحید وتی کە ئەو بەناو کێشە درووستکراوانەی لە کەرکوک ڕوو دەدەن، بە ڕووکەش لە نێوان پارتی و هاوپەیمانەکانی لە حکومەتی عێراق، هیچ نییە جگە لە سیناریۆیەکی درووستکراو لە پێشتر هەر دوو لا لە سەری ڕێکەوتوون.

ناوبراو ڕایگەیاند کە هەر دوو لایەنەکە لە بەغدا لە سەر ئەک سینی نان دەخۆن و لە ناو یەک هاوپەیمانیدا بەشدارن لە حکومەت، بەڵام بە هۆی شکستیان لە پێشکەشکردنی خزمەت بۆ هاووڵاتیان دێن ئەم سیناریۆ چەند بارانە دەوروژێننەوە و هەموو جاریش پێش هەڵبژاردنەکان دەیانەوێت بەمە سۆزی خەڵک بجوڵینن و دەنگ کۆبکەنەوە، لە بری بە خزمەتکردنی هاووڵاتیانی کەرکوک هەوڵ بەن دەنگ کۆبکەنەوە.

سروە عەبدولواحید وتی کە دڵنیاین خەڵک نەم درۆ چەند بارانەتان باوەڕ ناکات، ئێوە بوون وەک هەر دوو حیزبی دەسەڵاتدار کەرکوکتان فرۆشت و ئێستاش لە بەغدا شەریکی عەرەب و تورکمانی سوننە و شێعەن و هیچ کێشەیەکتان لە بەغدا نییە.