دەرکەوتنی نیگەرانیەکانی مەسعود بارزانی لەدۆخی ئیستای هەرێم لەڕووخساریدا

مەسعود بارزانی سەرۆکی پارتی دیموکراتی کوردستان لە کۆبوونەوەی ڕۆژی یەکشەمەی کۆمیتەی ناوەندی لە پیرمام بەشداربوو بەئامادەبوونی جێگری یەکەم نێچیرڤان بارزانی و جێگری دووەم مەسرور بارزانی.

ئەوەی لەم وێنانەدا دیارە نیگەڕانیەکی زۆر بەدی دەکرێت بەڕووخساری هەریەکە لە مەسعود بارزانی سەرۆکی پارتی دیموکراتی کوردستان و جێگری دووەمی سەرۆکی پارتی دیموکراتی کوردستان مەسرور بارزانی، بەڵام جیاواز لەوان نێچیرڤان بارزانی بەزەردەخەنەوە دەردەکەوێت لەوێنەکاندا.

وەک دیارە مەسعود و مەسرور نیگەرانی جدیان لە بارودۆخی هەرێم هەیە، بە تایبەت لە سەروبەندی هەڵبژاردنی پەرلەمانی کوردستان و فەشەلهێنانی حکومەتەکەی مەسرور کە هەرێمی گیرۆدەی دەیان قەیرانی گەورە کردووە.

یەکێک لە گرینگترین نیگەرانییەکانی بارزانی باوک و کوڕ دەرکەوتنی حەجمی حەقیقی پارتیە لە هەڵبژاردنی خولی شەشەم و بۆ قۆناغی داهاتوو پارتی ناتوانی زۆرینەیەکی وەها بەدەستبێنێ تا سەرۆکایەتی حکومەت جاریکتر وەربگرێتەوە و بیداتەوە بە مەسرور.