دانیشتوانی چەند گەڕەکێکی هەولێر دەڵێن ئاوی خواردنەوەمان نییە!

ساڵانە لە وەرزی گەرمادا شاری هەولێر و ناحیەکانی دەوروبەری تووشی کێشەی کەم ئاوی دەبن، ئەمساڵ کێشەکە زیاتر بووە و بەشێکی زۆری گەڕەکەکانی شارەکە ئاوی خواردنەوەیان نییە و خەڵک خۆی بە تەنکەر ئاو دەکڕێت.

دانیشتوانی گەڕەکەکانی باداوان و فەرمانبەران و ناحیەی بەحرکە لە هەولێر گردبوونەوە و ڕایانگەیاند کە ئاوی خواردنەوەیان نییە.

ئەمەش لە کاتێکدایە کە بەرپرسانی شارەکە و حکومەتی هەرێم بەوپەڕی کەمتەرخەمییەوە تەنیا کات بە فیڕۆ دەدەن و هیچ چارەسەرێکی ستراتیژییان بۆ ئەم کێشەیە نییە.