بانگەشەی پێشوەختەی هەڵبژاردنەکان لە لایەن مەسعود بارزانییەوە

مەسعود بارزانی سەرۆکی پارتی دیمۆکراتی کوردستان چەند ڕۆژێکە سەردانی پارێزگای دهۆکی کردووە و لە گەڵ چین و توێژەکانی خەڵک و بەرپرسان و پلەدارانی سەربازی کۆبووە.

هەڵمەتەکەی بارزانی وەک بانگەشەی هەڵبژاردنەکان بۆ پارتی و لە پێناو دووبارە دەستنیشانکردنەوەی مەسرور بارزانی بۆ پۆستی سەرۆکی حکومەتی هەرێم دادەنرێت.

بانگەشەکەی مەسعود بارزانی لە کاتێکدایە کە ناڕەزایەتییەکان بەرامبەر بە دەسەڵاتی پارتی و بنەماڵەی بارزانی لە ناوچەی بادینانەوە پەرەی سەندووە و ئەدهەم بارزانی ئەندامی پێشووی ئەنجومەنی سەرکردایەتی پارتی و ئامۆزای مەسعود بارزانی ڕەوتێکی نوێی سیاسیی بە ناوی هێڵی سێهەم بۆ گۆڕانکاری بنەڕەتی لە حکومڕانی هەرێمی کوردستان دامەزراندووە، هەرچەندە پارتی بەو بۆنەوە ڕێگریی لێدەکات بۆ زێدی خۆی بگەڕێتەوە.