ئەگەر بەغدا نەبێت هەرێم چی بکات؟
بەڵام کاتێک هەرێمەکەی ژێر دەسەڵاتی بارزانییەکان دەڵێت من ئابوری سەربەخۆم هەیە و نەوت بە ڕاستەوخۆ و بێ ڕەزامەندی و چاودێری حکومەتی عێراق و بێ گەڕانەوەی داهاتەکانی بۆ خەزێنەی گشتی هەناردە دەکەم، کاتێک هەرێمی کوردستان داهاتی ناوخۆیی بۆ وەزارەتی دارایی عێراق ناگەڕێنێتەوە، کاتێک سیاسەتی دەرەوەی هەرێمی کوردستان دژی سیاسەتی بنەڕەتی و بنەماکانی حکومەتی عێراقە، ئیتر چۆن حکومەتی بەغدا ماف و شایستە داراییەکانی هەرێمی کوردستان ڕەوانە بکات.
حکومەتی هەرێمی کوردستان داهاتی نەوتی و نانەوتیشی بۆ خەڵک خەرج نەکردووە و دەبینین کە مووچەخۆران چەندین مانگ بە دواکەوتن نیوە مووچەیەکیان پێدەدرێت و هەموو کەرتەکان بە ئاوەدانکردنەوە و خزمەتگوزارییەوە پەکیان کەوتووە.
داهاتی نەوتی و نانەوتی هەرێمی کوردستان بۆ پارتی دیمۆکراتی کوردستان و یەکێتی نیشتمانی کوردستان بووە و خەڵک هیچ کات لێی سوودمەند نەبووە.
حکومەتی هەرێم داوای مووچە و بودجە لە بەغدا دەکات، داوای نەوتی سپی و بەنزین لە بەغدا دەکات، داوای پێداویستی پزیشکی لە بەغدا دەکات، داوای پارەی گەنمی جوتیاران لە بەغدا دەکات و دەیان داواکاری دیکە. ئەگەر بەغدا ئەم هەموو پێداویستییەی خەڵکی هەرێمی کوردستان دابین بکات، چ واتایەک بۆ حوکمڕانی کوردی و دەسەڵاتی بارزانییەکان دەمێنێتەوە؟
پارتی و یەکێتی داهاتی نەوتی و نانەوتی هەرێمی کوردستان تاڵان دەکەن و داوای مووچە و بودجەش لە بەغدا دەکەن.
