ئەژی ئەمین و ڕووداوەکانی 8 ی تەمموزی 2021
لە پشت ڕووداوەکانی 8 ی تەمموزی 2021 ی یەکێتی نیشتمانی کوردستانەوە چەند کەسێک هەبوون کە ڕۆڵیان لە بەدیهاتنی بەرژەوەندی و ئامانجەکانی بافڵ تاڵەبانیدا هەبووە، یەکێک لەوان ئەژی ئەمین بووە کە دوای ئەو ڕووداوانە بووە سەرۆکی دەزگای زانیاری.
ئەژی ئەمین دواتر بە هۆی ناکۆکییەکانی لە گەڵ بافڵ تاڵەبانی و بە ناچار ڕووی لە هەولێر کرد و بووە خزمەتکارێکی دیوەخانی بارزانی و دەزگای پاراستن، هەر ئەوەش وایکرد کە وەک یاریدەدەری سەرۆکی ئەنجومەنی ئاسایشی هەرێمی کوردستان دەستنیشان بکرێت بەڵام هیچ دەسەڵات و ڕۆڵێکی پێنەدراوە و تەنیا وەک دژایەتییەکی یەکێتی لە لایەن بارزانییەکانەوە و لە چوارچێوەی شەڕی دەروونیی نێوان دەسەڵاتدارانی هەرێم پۆستەکەی پێدراوە.
ئەژی ئەمین کە لە هەر قۆناغێکدا بە جۆرێک خزمەتی بە لایەنەکان و وڵاتانی دیکە کردووە و وەک چۆن لە زمانی خۆیەوە باس کراوە سەردەمێک باشترین خزمەتی بە ئێران و دەزگا هەواڵگرییەکانی ئەم وڵاتە کردووە، لە پاش بوونی بە سەرۆکی دەزگای زانیاری، ئەم دەزگا و سلێمانیی کردە سەنتەرێکی هەواڵگری لە دژی ئێران. هەر ئەمەش وایکرد کە بافڵ تاڵەبانی ئاودیوی هەولێری بکات تا سەردەمێکیش لەوێ سەرقاڵ بێت و دوا چارەنووسی لەو شارەوە بنووسرێت کە ئەویش لەناوچوون یان بێ کاریگەربوونە.
