ئاوات شێخ جەناب: مووچەمان پێنادرێت بڕۆن لە بەغدا پرسیار بکەن

ئاوات شێخ جەناب وتی کە شاندی حکومەتی هەرێم، بەردەوامە لە دانوستانەکانی لە گەڵ حکومەتی ناوەندی عێراق بۆ گەیشتن بە چارەسەری ناکۆکییەکانی ڕێکەوتنی نەوت – بودجە.

ئەمەش لە کاتێکدا کە لە پاش واژۆکردنی ئەو ڕێکەوتنە لە گەڵ بەغدا، مەسرور بارزانی تەواوی هەوڵەکانی خستبووەگەڕ کە وەک دەسکەوتێکی کابینەکەی بە خەڵکی بفرۆشێت و بانگەشەی ئەوەی دەکرد کە مووچە لە کاتی خۆیدا دابەش کراوە و بەردەوامیش دەبێت.

بەڵام وەزیری دارایی کابینەکەی سەرۆک وەزیرانی خۆڕاگر دانی بە شکستی حکومەت لە دابەشکردنی مووچەدا نا و وتی کە لێرە بەدوا دەبێت پرسیاری مووچە لە وەزارەتی دارایی عێراق بکەن.